南小館

上星期同未婚夫去咗食南小館
唔係Maggie介紹都唔知原來有間咁正既上海菜
雖然佢係小南國集團...而我對小南國印象係麻麻地的(=,=)

當晚餸菜:

冷盤四小: 烤麸(好好味)/肴肉(好味)/無鍚骨(一般)/醉雞(一般)

手抓餅,好味,不過台中既更好味(>v<)

小籠包,夠熱,薄,多汁

西洋菜雲吞,好好味吖,滑嘟嘟又清清地

干煸四季豆,唔夠辣,中上

甜品四拼,正啊!!!!
茉莉花奶凍: 淡淡茶香又夠滑,但某人話冇乜味...(.\ /.) 差唔多我食哂...
芒果布甸: 有少少似布甸狀楊枝甘露,好味
白色糕點: 唔記得咩名,但我好鍾意食...因為有桂花hehe
綠豆糕: 都好味既...但唔係太啱我口味

同佢2個人叫咗咁多嘢食....加上感冒未清...返到屋企嘔哂出黎...好折墮...